Open Call, ArtLab 2024 (samisk)

Leago dus jurdda, čálus, metoda man háliidat guorahallat?

Oza ArtLab! Ohcanáigemearri lea juovlamánu 15. b. ja mii lohpidat dutnje vástádusa ovdal ođđajagemánu 15. b.

ArtLab leat lávdedáiddalaboratoriat maid Davvi Lávdedáidda jođiha.

ArtLabas lea guorahallan ja geahččaleapmi guovddážis. Ovttasráđđái mii láhčit áiggi ja čohkket joavkku vai buoremus lági mielde sáhttit lahkonit váttisvuođačuolmma mas don beroštat.

Ovdánahttit máhtu ja ipmárdusa

Mii lágidat vihtta laba jagis. Juohke laba sáhttá bistit nu guhká go vihtta beaivvi. Labas sáhtát guorahallat metoda, fáttá, váttisvuođačuolmma, čállosa dahje deaivvadeami gehččiiguin. Sáhtát gulahallat lávdehábmejeddjiin, báikkiin, eará lávdedáiddáriiguin, dahje hámi gaskkustanvugiin. Lea lávdedáiddáriid iežas práksis mii mearrida mii galgá dahkkot, ja juohke laba hábmejuvvo ovttas prošeaktajođiheddjiin. Mihttun lea ahte lea iežas bargu mii lea guovddážis labas. Mii háliidat leat mielde ovdánahttit máhtu ja ipmárdusa ArtLab bokte, danne galget labat maid doaibmat báikin gos máhttu juogaduvvo ja gos leat ságastallamat. Dát dahkko gitta dahje rabas čájáhallamiiguin, lohkamiiguin, rabas geahččalemiiguin dahje medierejuvvon ságastallamiiguin, manifestašuvnnaiguin ja/dahje ovdanbuktimiiguin. Ovdamearkka dihte stuntaid, lágidemiid dahje almmuhemiid bokte.

Goluid gokčan

Šihttojuvvo man galle oassálasti galget leat guđege labas. Davvi Lávdedáidda máksá juohke laborantii 2800,- ru. beaivái. Mii gokčat maid mátkegoluid ja orruma individuála šiehtadusa vuođul, ja mii gokčat láigogoluid go lea lunddolaš dan dahkat.

ArtLab ja Davvi Lávdedáidda veahkeha maid govvidit/duođaštit barggu.

Ohcan

Sádde iežat jurdagiid midjiide. Ohcamis ferte leat oanehis čilgehus dasa maid háliidat guorahallat, eanemustá 2 A4-siiddu, geat dus leat ovttasbargoguoibmin, prošeavtta oasseváldiid CV:t, ja bušeahttaevttohus. Evttot maid áinnas makkár áigeperspektiiva dus lea dán bargui.

ArtLab bokte geahččalit mii ráhkadit vejolašvuođa geahččalit, imaštallat ja juogadit.

Buot lávdedáiddárat sáhttet ohcat, muhto mis lea erenoamáš beroštupmi dasa mii dáhpáhuvvá davvin.

Mo viidásat

Lea ArtLab prošeaktajođiheaddji, Tale Næss, gii ovttas Davvi Lávdedáidda:in árvvoštallá ohcamiid.

Min ovttasbargoguoimmit leat earret eará Vårscenefest, Radvent, UiT ja LIAF.

Mis lea rabas, digitála diehtojuohkindeaivvadeapmi skábmamánu 29. b. gos prošeaktajođiheaddji juohká dieđuid ja dus lea vejolašvuohta jearrat jus dus leat jearaldagat.

Jus dus leat jearaldagat, váldde fal oktavuođa čujuhusa tale@davvi.org bokte.

ArtLab ja Davvi Lávdedáidda ovddas, Tale Næss