Open Call, ArtLab 2024 (kvensk)

Oonko sulla idea, teksti tahi metuudi jota sie halluut tutkiat?

Haje ArtLabhiin! Hakemusfristi oon 15. desemperiä ja met vastaama sulle viimesthään 15. januaaria.

ArtLab oon seenitaitheen laboratoriitten sarja. ArtLabiä triivaa Davvi – Seenitaitheen sentteri. Tutkiminen ja kokkeileminen oon tärkeätä ArtLabissä. Met löyämä tilan ja tiimin sille ette saatama yhessä hunteerata niitä kysymyksiä jokka oon sulle tärkeitä.

Tiion ja ymmäryksen eistäminen

Met järjestämmä viisi labia vuuessa. Jokhainen niistä kestää viisi päivää. Labissa saatat tutkiat metoodia, teemoi, kysymyksiä, tekstiä tahi kohtaamisia pyblikymin kans. Saatat vaihetella ajatuksia senograafin tahi muitten seenitaitheilijoitten kans tilasta tahi draaman haamustuksesta. Premissit tullee seenitaitheilijoilta itteltä, ja jokhainen lab haamustuu dialoogissa prosektin johtajan kans. Mooli oon ette labin saatethaan viiä läpitte niin ette taitheilijan oma työ oon keskipistheessä.

Met toivoma ette ArtLab auttaa eistämhään tiettoo ja ymmärystä, sillä labit oon kohtaamispaikkoja joissa oon tila jakkaat tietoa ja praatata. Tämä saattaa tapattuat lukutetuissa tahi avvoimissa esityksissä, lukemistapattumissa, prööviissä, tahi sen saattaa tehä kans jonkulaisissa keskusteluissa, manifestasuunissa tahi.

faakimuisteluksissa. Esimerkiksi stuntiitten, tapattumitten tahi pyblikasuuniitten kautta.

Kulut ja niitten maksaminen

Osallistujitten määrä jokhaisessa labissa sovithaan eriksheen.

Davvi – Seenitaitheen sentteri maksaa labilaisile 2500,- kr. päivässä. Met täkkäämä kans reisut ja ylöspion sopimuksen jälkhiin, ja kans luonolisesti paikan laikon.

ArtLab ja Davvi – Seenitaitheen sentteri auttaa ottamalla kuvia/ dokumenteeraamala työtä muutenki.

Hakemus

Lähätä meile sinun ajatuksia. Hakemuksessa häätyy olla lyhykäinen kuvvaus siitä mitä sie haluat tutkiat, maks. 2 A4-sivua, kukka oon sinun yhtheistyökumppanit, myötä olevitten CV:t, ja kans budsettiehotus. Lähätä mielelä kans ehotus siitä, koska sie toivot olla myötä labissa. ArtLabissa met haluamma luua maholisuuen kokkeila, ihmetellä ja jakkaat. Kaikki seenitaitheilija saattavat hakeat, mutta meilä oon eriliikanen fokus siinä mitä tapattuu pohjasessa.

Tie etheenkäsin

ArtLabin prosektin johtaja Tale Næss käsittellee hakemukset yhessä Davvi – Seenitaitheen sentterin kans. Meän yhtheistyökumppanit oon muun myötä Vårscenefest, Radvent, UiT ja LIAF. 29. novemperia oon avvoin digitaalinen informasuuniträffi jossa prosektin johtaja orienteeraa ja jossa sie saatat kysyät.

Jos sie hunteeraat jotaki, älä eppäile ottaat kontaktii: tale@davvi.org

ArtLabin ja Davvi – Seenitaitheen sentterin puolesta, Tale Næss