Tekst på nordsamisk: Open Call: Dáiddárresideansa Davvi Lávdi/Scene - Steigen

Davvi Lávdedáidda bovde dáiddáriid ohcat resideanssa Steigenis, Nordlánddas 2025 čavčča.
Davvi Lávdi lea johtti lávdebáiki – 174 m² lávvu mas lea dánsunláhtti, liekkas, elrávdnji, unna čuovgagáldu robis ja eaŋkalis AV-rusttegat. Lávvu lea johtti struktuvra mii dagaha erenoamáš rámmaid dáiddalaš bargui. Resideansaáigodat Steigenis addá dáiddáriidda vejolašvuođa ovdánahttit prošeavttaid mat reflekterejit báikki erenoamášvuođa ja vejolašvuođa ovttasbargat báikegottiin.
Davvi Lávdi lea gieskat ožžon doarjaga ovdánahttit teknihkalaš reaidduid, mii addá ođđa vejolašvuođaid projektoriidda ja buoret čuovga- ja jietnarusttegiid. Dát nanne lávu arenan mas leat ollu vejolašvuođat dáiddalaš ovdáneapmái. Eanet dieđut dán birra almmuhuvvojit Davvi - Lávdedáidaga neahttasiidduin.
Vuosttaš resideansaáigodaga álggus bovdejuvvojit báikkálaš dáiddárat ja neavttárat čoahkkimii ovttas resideansadáiddáriin. Čoahkkimis besset oaidnit lávu, gáfestallat ja ságastit eahpeformálalaččat vejolašvuođaid ja jurdagiid birra movt geavahit lávu dáiddalaš arenan.
Guokte resideansaáigodaga: Čakčamánnu ja golggotmánnu 2025
Ohcanáigemearri: Guovvamánu 24. b. 2025
Maid mii fállat:
prošeaktajoavkkus sáhttet leat eanemus 4 olbmo, ja resideansa bistá 2-4 vahku:
- Idjadeami
- Mátkegoluid Norggas
- Friddja beassama Davvi Lávdái šihttojuvvon áigodagas
- Borranruđaid: 435 beaivái/olbmui
- Prošeaktadoarjaga 500 beaivái/olbmui
Davvi - Lávdedáidda diŋgo idjadeami ja mátkegoluid prošeavtta ovddas.
Bargodilálašvuohta lávus:
Juohkehaš stivre barggu lávus ieš, muhto mii fállat teknihkalaš rávvagiid jus lea dárbu. Bargoáigodagas ii leat teknihkar gii stivre čuovgga ja jiena, muhto dan sáhttá lágidit jus galget leat bargočájáhusaid resideansaáigodagas.
Maid mii ohcat:
Dehálaš eaktun beassat residensii Davvi Lávddis lea ahte prošeavttain leat strategiijat mo sajáiduhttit dahje fátmmastit báikegotti. Mii vuoruhit prošeavttaid:
- Main leat ámmátlaš oasseváldit ja dárbu residensii
- Mat ovdánahttet doaimmaid dahje prošeavttaid main lea lávdedáidda vuolggasadjin
- Main lea beroštupmi ovttasbargat báikkálaš ovttasbargoguimmiiguin dahje servodataktevrraiguin
- Mat ráhkadit deaivvadanbáikkiid báikkálaš álbmogiin. Prošeavttat mat vuoruhit gulahallama ja báikkálaš searvama vuoruhuvvojit
- Geain lea áddejupmi ahte galgá bargat iešheanalaččat báikkálaš servodagain ja báikkálaš oktavuođain
Almmut galle vahkku dii dáhttubehtet leat resideanssas, man galle aktevrra leat ohcamis ja háliidehpet go resideanssa čakčamánus vai golggotmánus 2025:s.
Ohcamuša árvvoštallan:
Davvi Lávddi dáiddárráđđi árvvoštallá ohcamušaid:
Sigurd Johan Heide, Kim-Erling Methi Johansen, Kristina Junttila, Kristin Risan, Marry Sarre ja Nikoline Spjelkavik.
Loga eanet dáiddalaš ráđi birra dáppe.
Jearaldagat?
Váldde oktavuođa arenaovddasvástideddjiin Jens Smith Wergelandain jens@davvi.org, dahje 950 71 887 bokte.