Tekst på kvensk: Open Call: Taitheiliijaresidensi Davvi Scene – Steigen

Davvi – Senter for scenekunst kuttuu taitheiliijoita hakemhaan residenssii Steigenistä, Nordlandista syksylä 2025.
Davvi Scene oon nomaadinen seeniloma – 174 m²-suurukainen laavu missä oon tansilaattii, lämmitys, elektriski, pieni valovehjet katossa ja simppelit AV-kamppheet. Laavu oon liikkuuva struktuuri joka luopi uniikit raamit taitheelista työtä varten. Steigenin residensi anttaa taitheiliijoile maholisuuen eistäät prosektiita joissa reflekteerathaan paikan luonetta ja potensiaalii yhtheistyötä paikalissamfynnin kans.
Davvi Scene oon hiljaittain saanu rahhaa eistämhään teknisen pakan joka anttaa uussii maholisuuksii projektorii ja paremppii valo- ja äänikamppheita varten. Tämä lujenttaa laavun funksuunii fleksiibelisennä areenanna taitheelisele eistyksele. Lissää tiettoo tästä publiseerathaan Davvi – Senter for scenekunstin nettilaiale.
Ensimäisen residensiperiuudin alussa kuttuthaan paikalissii taitheiliijoita ja aktööriitä yhtheisheen möötthiin residensitaitheiliijoitten kans. Möötthiin kuuluu laavun näyttäminen, kuppi kaffii ja epäformelli praati maholisuuksista ja ideoista siitä, kuinka laavuu saatethaan pittäät taitheelisenna areenana.
Kaksi residensiperiuudii: Septemperikuu ja oktooperikuu 2025 Epäklä hakkeet oon 24. fepruaarikuuta 2025
Mitä met tarjooma: Neljele ihmiselle prosektiroikassa 2-4 viikon aijan:
- Yötyminen
- Reisumaksot Norjassa
- Vapaa pääsy Davvi Scenele sovitun periuudin aikana
- Dietti 435 kr per päivä/pers
- Prosektikuurto 500 kr per päivä/pers
Davvi – Senter for scenekunst hanteeraa yötymis- ja reisumaksotillaukset prosektin puolesta.
Laavun työolot:
Työn laavussa triivaat itte, mutta met tarjooma simppelii teknistä appuu ko sitä tarvithaan. Laavussa työperiuudin aikana ei ole paikala teknikkarii joka johtaa valloo ja äänii, mutta tämän saatethaan organiseerata työn esittämistä varten residensin aikana.
Mitä met hajema:
Tähelinen premissi residensile Davvi Scenessä oon prosektit joila oon strategiat paikalisele sovittamiselle tahi myötä ottamisele. Met prioriteeraama prosektiita joissa:
- Oon ammattilaiset osanottaajat ja residensin tarvet
- Eistäävät aktiviteettiita tahi prosektiita minkä alkupunti oon seenitaiet
- Oon intressi yhtheistyöle paikalisten partneriitten tahi samfyyniaktööriitten kans
- Luohaan mööttipaikkoi paikalisväjen kans. Prioriteerathaan prosektiita jokka prioriteeraavat dialoogii ja paikalisten myötä ottamista
- Oon ymmärys siitä ette paikalisen samfynnin ja kontekstin kohathaan ittenäisesti:
Spesifiseerakkaa kuinka monta viikkoo tet halluutta residenssii, kuinka monta aktöörii prosektissa oon ja halluuttako tet residenssii septemperikuussa tahi oktooperikuussa 2025.
Hakemuksen arvelu:
Hakemuksen arvelee Davvi Seenin taitheelinen raati: Sigurd Johan Heide, Kim-Erling Methi Johansen, Kristina Junttila, Kristin Risan, Marry Sarre ja Nikoline Spjelkavik. Luje lissää taihteelisesta raatista täälä.
Kysymyksii?
Ota kontaktin areenan eesvastaavan Jens Smith Wergelanin kans e-postila jens@davvi.org, tahi ringaa 950 71 887.