Almmuhus RadVent - Feedbacksessions
Foto: Chris Schaal.
Almmuhus RadVent, juovlamánu 2.-5. b. 2026
Leat go ovdánahttimin dáiddalaš barggu? Háliidat go čájehit iežat barggu RadVentas? RadVent 2026 (juovlamánu 2.-5. b.) ohcá dáiddáriid geat háliidit čájehit mainna sii leat bargamin, ja vejolašvuođa oažžut máhcahemiin gehččiin. Midjiide lea dehálaš deaivvadit duinna dan dásis gos don leat proseassas, ja leat sáhkkii sihke bealledagus, guorahalli, ja eahpečielga áššiid ja prošeavttaid hárrái.
Open Call RadVent 2026 – Feedbacksessions háliida sihke teavsttaid ja lávdedáiddagaskkustemiid (buotlágan gaskkusteamit leat buresboahtimat) mat leat proseassas, ja lea dáiddáriidda geain lea fágalaš, persovnnalaš dahje ámmátlaš čanastupmi Davvi-Norgii – vásáhusa, barggu dahje áŋgiruššama dáfus (Nordlándda, Romssa dahje Finnmárkku fylkkas). Dus ii dárbbaš leat gárvves formáhta dahje čielga ovdanbuktin – mii ovdánahttit áinnas čájálmasa duinna ovttas.
RadVent 2026 lea njealjebeaivásaš dáiddárstivrejuvvon festivála man guovddážis lea lávdedáidda ja lávdedáidaga hábmejeaddjit davvin. Laboratoriaid, bargobájiid ja feedbacksessionssaid bokte láhčá RadVent deaivvadanbáikkiid gos beassá vásáhusaid juogadit ja ovttasbargat dáiddáriiguin ja gehččiiguin, mas proseassa, searvevuohta ja juogadankultuvra lea guovddážis.
Dán jagi RadVent háliida suokkardit vuostálasvuođaid:
Leago lávdedáiddabiras šaddan ovttaoaivilvuođasearvevuohtan?
Leago sadji iešguđetge oaiviliidda?
Gii/mii mearrida mii čájehuvvo, dahje ii čájehuvvo lávddis?
Mo sáhttá lávdedáidda láhčit oadjebasat saji vuostemielalašvuođaide?
Prográmma muđui suokkarda dáid gažaldagaid ja áššečuolmmaid. Jus dus lea prošeakta mii suokkarda dáid fáttáid, de lea gelddolaš Open Call ektui, muhto ii leat eaktun.
RadVent fállá dáiddárhonorára oasálaččaide, ja prošeavttat mat válljejuvvojit ožžot maid orrun- ja mátkegoluid gokčojuvvot. Oasálaččat sáhttet maid searvat olles festiválii jus háliidit.
Mii bargat eaŋkilit ja njuovžilit rámmaiguin, ja ovttasráđđái mii gávdnat čovdosiid du ovdanbuktimii. Mii hástalat sin geat leat áiddo bargagoahtán lávdedáiddabirrasis ohcat. Muđui árvvoštallat ohcamiid oppalaččat festiválaprográmma ektui.
Lea Guro Rokstad Clausen ja Caroline Grønbekk, Davvi – Sfs:in, Kulturráđiin ja Rådstua Teaterhusain, geat jođiheaba dán jagáš RadVent.
Áigemearri: Čakčamánu 10. b. 2026
Ohcan dihte RadVentii iežat prošeavttain, de deavddát skovi dás vuolábealde.