Oza Teknihkalaš residensii Árktalaš Kulturguovddážis/Arktisk Kultursenter
Govva: Marthe Nyvol
Resideansa ovttas Árktalaš kulturguovddážiin Hámmárfeasttas
Davvi Lávdedáidda ja Árktalaš kulturguovddáš ovttasbargaba dáinna resideansaortnegiin Frityrenis Árktalaš kulturguovddážis Hámmárfeasttas. Dát resideansa lea liiba buvttademiide bargat teknihkalaš áššiiguin lávdelanjas. Resideansa bistá miessemánu 31. beaivvis geassemánu 16. beaivái 2027:s
Lea dehálaš ahte ohcamis čilge mo resideansa Árktalaš kulturguovddážis lea mávssolaš prošeavtta dáiddalaš ovdáneapmái.
Fasilitehtat:
Resideansaáigodat lea Frityrenis, gos leat teknihkalaš rusttegat ja bargit Árktalaš kulturguovddážis olámuttos šiehtadusa vuođul. Loga eanet sála teknihkalaš spesifikašuvnnaid birra dáppe: https://www.aks.no/teknikk/
Árktalaš kulturguovddáš lea Hámmárfeasttas. Ii dárbbaš lasáid badjel lávket vai beassá vistái, lea heaisa juohke geardái ja hivsset heivehuvvon doaimmashehttejuvvon olbmuide hui láhka sála, ja eará sajiin visttis.
Váldde áinnas oktavuođa jus lea dárbu eará heiveheapmái.
Mátki ja orrun
Go fállojuvvo resideansa, de gokčá Davvi lávdedáidda hálbbes mátkkošteami Norgga siskkobealde, orrunsaji gos sáhttá kohkket ja prošeaktadoarjaga 1200 ru beaivái/juohke olbmuid resideansaáiggis, oktiibuot njealji olbmui. Goluid liigeolbmuide dahje eará mátkkiide ferte kompaniija gokčat.
Dáiddárat geat mátkkoštit olgoriikkas fertejit ieža gokčat mátkki Norgii eará ruhtademiin.
Válljejuvvon prošeavttas lea ovddasvástádus háhkat eará ruhtadeami daidda goluide mat leat lassin buvttadeamis.
Ohcanáigemearri
Čakčamánu 10. b. 2026 residensii áigodagas miessemánu 31. b.-geassemánu 16. b. 2027
Meroštallon vástidanáigi ohcamii lea vihtta vahkku ohcanáigemeari maŋŋá.
Eavttut válljejuvvot
Mii vuoruhat prošeavttaid:
Main lea duohta dárbu teknihkalaš fasilitehtaide resideansaorruma lassin.
Mat fátmmastit ámmátlaš ovttasbargoguimmiid ja čájehit ahte leat návccat čađahit prošeavtta.
Mat leat dáiddalaččat guoskevaččat suorgái.
Lea ovdamunni jus sáhttá čájehit ruhtadeapmái ja resideansaorrumiidda mat leat čađahuvvon dahje plánejuvvon ovdal resideansaáigodaga Árktalaš kulturguovddážis.
Ohcan berre sisttisdoallat
Čielga čilgehus dasa mo resideansa boahtá ávkin prošeavtta dáiddalaš ovdáneapmái.
Dieđut dárbbu birra teknihkalaš rusttegiidda ja doarjagii.
Oanehis čilgehus bargojoavkkus, prošeavtta stáhtusis ja ovddosmannanplánas.
Duođaštus ovddeš ruhtademiin, miel-buvttademiin ja/dahje resideanssain.
Mii háliidat ahte ohccit ovdanbuktet plána mas oaidná maid galget dahkat resideanssas.
Oza dás: