Resideansa Stormen Konserthus:s Bådåddjos
foto: Audun Selnes
Resideansa Stormen Konserthus:s Bådåddjos
Stormen konserthus ja Davvi Lávdedáidda leat ovttasráđđái ásahan resideanssa Bådåddjoi borgemánus/čakčamánus 2027:s. Resideanssas leat liige vejolašvuođat teknihkkii ja čuovvulahttit teknihkaid.
Resideanssas beassá geavahit Stormen Konserthus lanja Lille Sal ja dasa gullevaš teknihkalaš rusttegiid. Doppe leat teknihkalaš bargit, geat barget Stormen Konserthus:s, go lea dárbu ja go lea šihttojuvvon. Sii sáhttet maiddái veahkehit gárvet teknihkalaš rider:a buvttadeapmái, nu mo dat lea go resideansaáigodat nohkká.
Lea dehálaš ahte ohcamis čilge mo resideansa Stormen Konserthus:s lea mávssolaš prošeavtta dáiddalaš ovdáneapmái.
Fasilitehtat:
Resideansaáigodagas lea Lille Sal Stormen Konserthus:s geavahanláhkái 9 diimmu beaivái, guhtta beaivvi vahkus. Stormen Konserthus:s leat 1-2 teknihkkára olámuttos resideansaáigodagas, ja teknihkalaš rusttegat mat gullet Lille Sal:i. Loga eanet sála teknihkalaš spesifikašuvnnaid birra dáppe: Tech spec – Dropbox
Stormen Konserthus lea Bådåddjo gávpotguovddážis. Juvlastuoluin lea vejolaš beassat sisa gáhttadási uvssas mas ii leat lassá, ja das lea heaisa vuolit geardái gos Lille Sal lea. Lea hivsset heivehuvvon doaimmashehttejuvvon olbmuide láhka Lille Sal, ja eará sajiin visttis. Váldde áinnas oktavuođa jus lea dárbu heiveheapmái.
Mátki, orrun ja honorára
Go oažžu fálaldaga residensii de gokčá Davvi Lávdedáidda hálbbes mátkkiid siskkáldasat riikkas eanemustá njealji olbmui. Goluid liigeolbmuide dahje eará mátkkiide ferte kompaniija gokčat. Dáiddárat geat mátkkoštit olgoriikkas fertejit ieža gokčat mátkki Osloi eará ruhtademiin.
Davvi Lávdedáidda veahkeha gávdnat resideansaásodaga dáiddáriidda geat bohtet eará guovlluin, ja gokčá idjadansaji eanemustá 4 olbmui.
Davvi Lávdedáidda addá buvttadandoarjaga, mii lea 1200 ru beaivái juohke olbmui, 4 olbmui ja eanemustá 20 beaivvi.
Válljejuvvon prošeavttas lea ovddasvástádus háhkat eará ruhtadeami daidda goluide mat leat lassin buvttadeamis.
Ohcanáigemearri
Ohcanáigemearri čakčamanu 10. b. 2026, dát guoská residensii áigodagas borgemánu 16. beaivvis čakčamánu 3. beaivái 2027.
Meroštallon vástidanáigi ohcamii lea vihtta vahkku ohcanáigemeari maŋŋá.
Eavttut válljejuvvot
Prošeakta válljejuvvo dáid eavttuid vuođul:
- Prošeavttas ferte leat dárbu residensii, ja prošeavttat mat dárbbašit teknihkalaš veahki vuoruhuvvojit.
- Profeššunealla ovttasbargoguoimmit
- Čađahannávccat
- Áigeguovdilvuohta
Lea ovdamunni jus sáhttá čájehit ruhtadeapmái ja resideansaorrumiidda mat leat čađahuvvon dahje plánejuvvon ovdal resideansaáigodaga Stormen konserthus:s.