Ruovtturesideansa / resideansa bargolanjaid olggobealde

Ohcanáigemearri: njukčamánu 27. b.

Dát resideansa lea

--dáiddáriidda geat háliidit bargat doppe gos sii orrot dahje iežaset báikkálašbirrasis Davvi-Norggas.

--dáiddáriidda geat háliidit bargat dihto báikkis Davvi-Norggas: olggobealde bargolanjaid, ovttas earáiguin báikegottis dahje báikkálaš aktevrraiguin.

Mis eai leat gáibádusat dasa ahte mii dahkkojuvvo, nu guhká go dat lea friddja lávdedáidaga ámmátlaš aktevrraid váste ja dahkkojuvvo ovttain singuin. Bargu mii dahkko resideanssas sáhttá leat oassin stuorát dáiddalaš prošeavttas. Mii sávvat maid buresboahtima oanehat doaimmaide ja ráddjejuvvon prošeavttaide mat sáhttet ollásit čađahuvvot resideansaáigodagas.

Vurdojuvvo ahte ohcci ieš organisere ja čađaha resideanssa. Davvi lávdedáidda ii fála buvttadankapasiteahta dán oktavuođas.

Resideansa bistá 14-20 beaivvi. Jus háliida ahte resideansa bistá oanehat dahje guhkit, de ferte dan dárkilit čilget ohcamis.

Davvi lávdedáidda ii juollut eanet go 100.000 ru juohke residensii.

Geat sáhttet ohcat?

Buot prošeavttat mat gullet lávdedáidaga suorgái. Prošeakta sáhttá leat vaikke guđe dásis, leaš dal áiddo álggahuvvon dahje jo loahpahuvvomin. Ferte boahtit čielgasit ovdan ohcamis manne ruovtturesideansa dahje olgoresideansa lea dehálaš prošeavtta dáiddalaš ovdáneapmái.

Válljen:

Deháleamos eavttut midjiide go válljet geaidda ruhta juolluduvvo lea prošeavtta dárbu ja čađahannákca. Dasto mii geahčadat ámmátlaš oasálaččaid ja ovttasbargoguimmiid. Mis lea mihttun addit resideanssa iešguđegelágan dáiddáriidda ja prošeavttaide.

Mii ávžžuhat dáiddáriid geain lea duogáš mii dagaha hástalusaid sidjiide ohcat resideanssa mis. Dainna mii oaivvildat ahte lea sosioekonomalaš duogáš mii dávjá ii ovddastuvvo, ahte vásiha čearddalaš- dahje etnalaš vealaheami, ahte vásiha negatiiva kultuvrralaš ovdagáttuid nationála dahje riikkaidgaskasaš dásis, LGBTQ-servodaga lahtuid, dahje ahte olbmos lea doaibmahehttejupmi.

Ohcamis ferte leat:

-Prošeaktačilgehus mii ovdanbuktá dáiddalaš prošeavtta, ja gos ja mo dat galgá čađahuvvot resideanssa rámmaid siskkobealde.

-Dieđut buot oasálaččaid birra.

-Dárkilis bušeahtta mas leat bálkkát/honorárat, mátkkit, orrun, lanjat, dávvirat ja eará gullevaš golut.

Oza dán skovi bokte ovdal njukčamánu 27. b.